4500 vil sjå Noreg-Australia
Den tøffe vinteren gjer jobben hard for banemannskapa på Ullevål stadion, men det er håp om bra grasmatte til Australia-kampen. 4.500 billettar er selde.
- Temperatur- og vêrforholda har gjort det utfordrande, men vi har god tru på at det blir bra speleforhold til kampen, seier kommunikasjonssjef Yngve Haavik i Norges Fotballforbund til NTB.
Yr. no melder om ei nesten nedbørsfri oppkøyring til kampen i dagane som kjem. Fredag er det venta temperaturar rundt nullpunktet ved avspark klokka 18.00.
Det er førebels selt 4.500 billettar til kampen.
(©NPK)
Rune Almenning Jarstein kan vente seg lite folk på tribunen og kaldt vêr mot Australia fredag. Foto: Vidar Ruud / NTB scanpix
