Beckham får heider frå Uefa-presidenten

Tidlegare Englands-kaptein David Beckham (43) får Uefa-presidentens pris for innsatsen sin for fotballen både på og utanfor banen.

Beckham får overrekt prisen i Monaco seinare i år.

- Eg har valt å dele ut prisen til David Beckham i år. Han har vore ein global ambassadør for fotballen, og han har marknadsført spelet og alle fotballverdiane i alle hjørne av verda, seier Uefa-president Aleksander Ceferin.

Ceferin seier at Beckham har arbeidd utrøytteleg humanitært, og at det har vore med på å redde liv.

- Han er eit sant fotballikon i sin generasjon, seier Ceferin i ei pressemelding.

I fjor gjekk prisen til italienaren Francesco Totti.

(©NPK)

David Beckham da han spelte i Milan. Foto: Daniele Buffa /NTB scanpix.