Børsen avslutta negativ veke med ny nedtur

Storebrand og DNB var dei einaste lyspunkta blant dei mest omsette aksjane på veka siste dag, med ein oppgang på høvesvis 1,3 og 1,4 prosent. Equinor og Subsea 7 bidrog derimot til å dra børsen i motsett retning. Begge selskapa fall 2,7 prosent.

Eit lyspunkt for dei som eig aksjar i Equinor, er at det statlege oljeselskapet no i slutten av månaden betaler ut rundt 6,2 milliardar kroner i utbytte for siste kvartal i fjor. Utbetalinga, som er på 0,23 dollar - eller 1,8785 kroner - per aksje, blei fastsett i februar.

Etter å ha falle sakte gjennom natta, gjekk oljeprisen bratt utfor då dei europeiske marknadene opna. Då børsen stengde for helga, kosta eit fat nordsjøolje 76,81 dollar, 2 dollar mindre enn ved midnatt.

(©NPK)

Fasiten etter den siste firedagarsveka i mai er fire dagar på rad med fallande verdi for hovudindeksen på Oslo Børs. Illustrasjonsfoto: Terje Pedersen / NTB scanpix