Bronse til Bjørnsen i symje-EM
Susann Bjørnsen sumde inn til bronse på 100 meter medley i symje-EM i København.
Ho var fjerde raskast i semifinalen, men både gullvinnaren Katinka Hosszú, sølvmedaljøren Sarah Sjöström og finske Jenna Laukkanen var raskare enn henne der. Alle dei tre var i aksjon i bassenget tidlegare på kvelden.
Symjaren frå Sætermoen fekk ein fin start, men fall litt tilbake på sin svakaste disiplin ryggsymjing. I hennar sterkaste del, bryst, var ho oppe på tredjeplass. Akkurat som landsmannen, Tomoe Zenimoto Hvas, tidlegare på kvelden hadde ho eit veldig godt innslag på crawldelen. Ho var 9/100 føre Marrit Steenbergen på fjerdeplassen.
Tida 59,26 er personleg rekord for Bjørnsen. Hosszu vann med 56,97, medan Sjöström hadde 57,92.
(©NPK)
Susann Bjørnsen tok bronse på 100 meter medley under kortbane-EM i symjing i København. Foto: Jessica Gow/TT / NTB scanpix
