Christiansen med ny bronsemedalje i symje-EM

Henrik Christiansen tok bronsen på 1.500 meter fri under EM fredag. Det var hans andre medalje i meisterskapen. Gullet gjekk til ukrainske Mykhailo Romantsjuk.

Christiansen opna forsiktig, men sumde seg sakte, men sikkert oppover resultatlista. Han tok også opp jakta på Gregorio Paltrinieri, som etter ein knallstart hadde inntatt sølvplassen. Han var på det nærmaste rundt eitt sekund bak, men klarte ikkje å stå imot spurten til italienaren.

Ukrainaren Mykhailo Romantsjuk var suveren i tet og sumde inn til tida 14.14,59. Christiansen noterte 14.25,66.

Medaljen var den fjerde norske i EM og den tredje på ein og same kveld. Det har aldri skjedd tidlegare.

Onsdag tok Christiansen bronse på 400 meter fri.

(©NPK)

Henrik Christiansen tok bronse på 1.500 meter fri under EM i København. Det var hans andre bronsemedalje. Foto: Jessica Gow/TT / NTB scanpix

Annonse
Annonse