EM-bronse til norske Hvas (17)
Tomoe Zenimoto Hvas sumde inn til bronse i sin første finale i ein internasjonal meisterskap. 17-åringen tok medalje på 200 meter medley i EM i København.
17-åringen Tomoe Zenimoto Hvas sumde inn til 1.54,16. Han var nummer to etter butterfly, og leidde etter ryggsymjing. Han var nummer tre etter brystdelen, men vart litt sliten på den siste crawldelen.
Ungguten enda 2/100 føre fjerdeplassen.
Gullet gjekk til tyske Phillip Heintz med 1.52,41. Sølvet gjekk til greske Andreas Vazaios med 1.53,27. Det var Noregs andre bronsemedalje i EM kortbane i den danske hovudstaden.
Hvas sette også norsk og nordisk rekord med 1.54,08 i forsøket fredag formiddag.
(©NPK)
