EUs medlemsland seier nei til trygdekutt
Noreg ynskjer å kutte i barnetrygd som sendast ut av landet. No seier EUs medlemsland nei til forslaget.
Den norske regjeringa har gått høgt på banen med krav om at Noreg må få lov til å kutte i barnetrygd og kontantstøtte som sendast ut av landet.
Grunnen er at slike ytingar kan få ein heilt annan verdi når dei går til arbeidsinnvandrarar som har barn i heimlandet. Noreg har difor ynskt å justere ytingane ned til kostnadsnivået i det landet pengane sendast til.
Torsdag var saka oppe til diskusjon på EUs sosialministermøte i Luxembourg.
Der har Noreg hatt fleire allierte. Spesielt Danmark har hatt kjøpekraftsjustering av barnetrygd som fanesak. I tillegg har Nederland, Tyskland og Austerrike støtta kravet.
Men på ministermøtet kom det likevel fram at det store fleirtalet seier nei.
Ein dårleg dag for Danmark, sa den danske næringsministeren Troels Lund Poulsen.
- Dei tinga som ligg på bordet, går ikkje Danmarks veg. Dei går motsett veg av det vi har kjempa for.
Han er likevel klar på at kravet ikkje kjem til å forsvinne.
Også dei folkevalde i EU-parlamentet skal seie sitt. Der er saka framleis til behandling.
EMBED START Image Arbeids- og sosialminister Anniken Hauglie har kjempa for retten til å kjøpekraftsjustere barnetrygd som sendast ut av Noreg. Foto: Terje Pedersen / NTB scanpix EMBED END Image(©NPK)
