FIFA fordømmer supportervald
FIFA fordømmer supportervalden som oppstod under VM-oppgjeret mellom Argentina og Kroatia torsdag kveld.
Ein video publisert på sosiale medium viser at supporterar frå begge lag enda i slåstkamp inne på stadionet.
- Vi er sjokkert over bilda. FIFA fordømmer oppførselen til desse såkalla supporterane og gjentek at vald ikkje høyrer heime i fotball, seier ein talsmann for FIFA til nyheitsbyrået DPA.
Det internasjonale fotballforbundet jobbar no saman med sikkerheitspersonell for å identifisere bråkmakarane.
Kroatia vann oppgjeret 3-0 og sikra avansement. Argentinas vidare VM-håp heng i ein tynn tråd.
(©NPK)
