Indias tidlegare statsminister er død

Indias tidlegare statsminister Atal Bihari Vajpayee er død etter langvarig sjukdom. Han var statsminister i tre periodar, men trekte seg frå politikken i 2005.

Vajpayee blei 93 år gammal. Han har vore ein av Indias mest populære politikarar og grunnla og leidde det hinduistiske nasjonalistpartiet Bharatiya Janata.

I juni blei han innlagd på sjukehus med blant anna urinvegsinfeksjon.

- Trass i at vi har gjort vårt aller beste, mista vi han i dag, skriv sjukehuset i ei utsegn torsdag.

(©NPK)

Atal Bihari Vajpayee fotografert i 2004 då han framleis leidde nasjonalistpartiet Bharatiya Janata. Foto: Sebastian John / AP / NTB scanpix

Annonse
Annonse