Johnson seier Putin vil bruke fotball-VM på same måte som Hitler brukte OL

Utanriksminister Boris Johnson drog fram samanlikninga då han snakka i utanrikskomiteen i det britiske Underhuset onsdag.

Johnson sa også at han krev garantiar frå Moskva:

- Utfordringa mi til russiske styresmakter er å vise at dei 24.000 britiske billettkjøparane til fotball-VM blir godt behandla og at tryggleiken deira blir varetatt, sa han.

Johnson sa også at Russland valde å sende eit bodskap til potensielle avhopparar ved å slå til mot ein tidlegare russisk spion i Storbritannia som følgje av historikken til London med å stå opp mot overgreps i Moskva.

- Storbritannia har vore rett på sak, og svært standhaftige ved å forsvare verdiane våre. Eg trur det kan vere årsaka til at det blei avgjort å utføre denne handlinga i landet vårt, sa han.

(©NPK)

Britanes utanriksminister Boris Johnson meiner Russland vil bruke fotball-VM på same måte som Nazi-Tyskland brukte OL i Berlin. Foto: AP / NTB scanpix