Klatrar skadd i Sogn og Fjordane
Ein mannleg klatrar i 30-åra er flogen til Haukeland universitetssjukehus etter å ha falle ned åtte meter frå ein klatrevegg ved Vadheim i Sogn og Fjordane.
Ulykka skjedde fredag ettermiddag. Mannen, som var ein del av eit klatrefølgje på ni personar, blei liggjande på ei sjøklippe.
- Han blei henta av redningshelikopter. Vi har ikkje oversikt over tilstanden hans, seier operasjonsleiar Per Algrøy i Vest politidistrikt til NTB.
(©NPK)
Illustrasjonsfoto: Terje Bendiksby / NTB scanpix