Kleveland nominert til amerikansk prestisjepris

Den norske snowboardkøyraren Marcus Kleveland er å finne på ei stjernetung nominasjonsliste til ESPNs årlege prisutdeling ESPY.

bernt.harald.dysthe.brennevann@ntb.no/johanne@npk.no

Publisert: 21.06.2018 kl 18:14

Kleveland er blant dei nominerte til årets mannlege ekstremsportutøvar til prisutdelinga ved namnet ESPY. Den blir arrangert av det amerikanske TV-selskapet ESPN.

Andreas Ygre Wiig var nominert til same pris som Kleveland tilbake i 2007.

Cristiano Ronaldo, Lionel Messi og LeBron James er også nominert til ulike prisar i 2018-utgåva av utdelinga.

Prisane blir delt ut i Los Angeles 18. juli.

(©NPK)

Marcus Kleveland kan stikke av med ein pris på ESPNs prisutdeling i Los Angeles i juli. Foto: Fredrik Hagen / NTB scanpix