Kraftig auke i talet på asylsøkjarar i USA
Talet på asylsøkjarar auka med 26 prosent til 330.000 i USA i fjor. I Tyskland fall talet med 73 prosent.
Dermed var det USA som tok imot flest asylsøkjarar av alle rike industriland i 2017, ifølgje ein ny rapport frå Organisasjonen for økonomisk samarbeid og utvikling (OECD).
Tyskland har lege på topp på lista fleire år på rad. Men i fjor blei migrasjonen til Europa over Middelhavet kraftig redusert.
Samla sett fall talet på asylsøkjarar i OECD-landa frå 1,6 til 1,2 millionar. Det totale talet migrantar gjekk også noko ned, til 5 millionar.
President Donald Trump ønskjer å stramma kraftig inn på innvandringa til USA. Den siste tida har han fått mykje kritikk for ein ny praksis de ulovlege innvandrarar blir sette i varetekt og fråtekne barna sine.
(©NPK)
Mindreårige migrantar i eit interneringssenter i Florida i USA. Foto: Wilfredo Lee / AP / NTB scanpix
