Langrenn: 20-åring slo Weng i spurten
Det blei norsk siger i begge sprintklassane då langrennsløparane fullførte del tre av Toppidrettsveka fredag.
Vind-løparen Mathilde Myhrvold vann A-finalen blant kvinnene framfor slovenske Katja Visnar. Heidi Weng kneip tredjeplassen.
Tiril Udnes Weng, Anna Svendsen og Alenka Cebasek (Slovenia) tok seg også til finalen.
Heidi Weng tok kontrollen frå start, men blei tatt igjen i den siste svingen. Der greip 20 år gamle Myhrvold sjansen.
- Det var litt overraskande. Eg var fornøgd berre med å komme til finalen. Eg gjorde mitt beste, og det stemte veldig bra. Gøy, sa Myhrvold til VG.
- Eg var litt flinkare til å posisjonere meg enn i dei tidlegare heata, fortsette talentet frå Gjøvik.
I herreklassen sikra Sondre Turvoll Fossli sprintsiger framfor Pål Trøan Aune og Jan Thomas Jenssen. Jørgen Lippert, sveitsaren Roman Furger og Gjøran Holstad Tefre tok seg også til finalen.
Toppidrettsveka blir avslutta med del fire og jaktstart laurdag.
(©NPK)
Sondre Turvoll Fossli var raskast i fredagens sprint under Toppidrettsveka. Foto: Ned Alley / NTB scanpix
