Lars Berger gir seg som trenar for paralandslaget
Lars Berger sluttar etter tre år som trenar for paralandslaget i langrenn og skiskyting, melder NRK.
- Eg gir meg. Det er den vanlege grunnen: familiære forhold, fortel Lars Berger til NRK.
Dermed kan det bli store endringar i paralandslaget for syns- og rørslehemma. Stillinga blei lyst ledig i førre veke.
Berger gav seg om aktiv utøvar i skiskyting og langrenn i 2015 og har dei siste tre åra vore landslagstrenar. Han blei verdsmeister i både langrenn (2007) og skiskyting (2009). Han har også eit OL-sølv i langrenn (2010).
- Det har vore veldig moro, men det er mykje reising og det tar mykje tid, så det er ein eigen livsstil å vere trenar. Eg er mykje på tur, og det er noko familien har merka, fortel 38-åringen.
(©NPK)
Lars Berger gir seg i jobben som landslagstrenar for parautøvarane. Foto: Terje Pedersen / NTB scanpix
