Macron: Frankrike og USA vil jobbe med ny atomavtale med Iran
USA og Frankrike vil prøve å oppnå ein ny atomavtale med Iran, sa president Emmanuel Macron på ein pressekonferanse saman med Donald Trump i Det kvite hus.
Tidlegare på dagen skildra Trump den noverande atomavtalen som «frykteleg» og «sinnssjuk».
Inntil no har nær alle andre stormakter i verda forsvart avtalen om atomprogrammet til Iran.
Macron er på statsbesøk i USA, og atomavtalen med Iran er ei av dei vanskelegaste sakene dei to presidentane skal snakke om.
