Budsjettpartia aukar sparekravet for offentleg sektor

I budsjettavtalen går dei borgarlege partia inn for å auke kravet til innsparing i offentleg sektor, ifølgje NRK.

innenriks.vaktsjef@ntb.no/hallvard@npk.no

Publisert: 22.11.2017 kl 18:32

I utgangspunktet foreslo regjeringspartia Høgre og Frp at effektiviseringskravet for staten skulle vere på 0,5 prosent.

Ifølgje NRK inneber den ferske budsjettavtalen at kravet blir auka til 0,7 prosent i statsbudsjettet for neste år. Sjukehussektoren skal vere unntatt frå kravet, ifølgje kanalen.

Budsjettavtalen som Høgre, Framstegspartiet, KrF og Venstre vart einige om onsdag, skal presenterast på ein pressekonferanse klokka 19.