Zlatans sko selde for nesten 300.000
Skoa Zlatan Ibrahimovic brukte då han scora fire mål mot England i 2012 er selde for 282.000 kroner.
Dei mintgrøne skoa var rett nok signerte då dei vart selde på Stockholms Auktionsverks sportauktion nyleg.
Skoa hadde den svenske superstjerna på seg då han scora fire mål mot England på Friends arena i november 2012.
Eitt av måla var det berømte saksesparket frå 30 meter, som vart kåra til det penaste målet det året på Fifa-gallaen. Målet vart også foreviga på eit frimerke i Sverige.
Kampen mot England vann Sverige 4-2.
(©NPK)
Sveriges Zlatan Ibrahimovic jublar etter 4-2 målet mot England i november 2012. Skoa han har på seg er no selde for nesten 300.000 kroner. Foto: Fredrik Sandberg / NTB scanpix
