Oppover igjen på Oslo Børs
For første gong denne veka enda hovudindeksen i pluss på Oslo Børs. Den steig 0,6 prosent, til 888 poeng.
Den siste veka har likevel indeksen falle 2,3 prosent.
Equinor var som vanleg dagens mest omsette selskap torsdag, og aksjen fekk ein nedgang på 0,1 prosent. Nedover gjekk det også for oljeselskapet DNO (-1,0). Den store taparen blei Kongsberg Gruppen, som fall 4,6 prosent.
Elles var det berre oppgang å sjå blant dei mest omsette aksjane, blant dei Norsk Hydro (+1,3), Marine Harvest (+2,8), Subsea 7 (+1,7), DNB (+0,2), Telenor (+0,7), TGS-Nopec (+0,7), Storebrand (+1,5) og Yara International (+0,6).
Også ute i Europa var stemninga positiv. I Frankfurt steig DAX 30-indeksen 0,5 prosent, mens både CAC 40 i Paris og FTSE 100 i London gjekk opp 0,8 prosent.
Oljeprisen var svakt på veg nedover torsdag ettermiddag samanlikna med natta før, og nordsjøolje blei ved 17-tida omsett for 70,77 dollar.
(©NPK)
Til no i år har hovudindeksen ved Oslo Børs stige 9 prosent. Illustrasjonsfoto: Axel Nilsson Raftsjø / NTB scanpix
