Oslo Børs med opptur for fjerde dagen på rad

Oslo Børs avslutta veka med ein svak opptur på 0,1 prosent for hovudindeksen, som enda på 876,82 prosentpoeng.

Oslo Børs starta veka med ein nedgang, men vinden snudde tysdag, og børsen har hatt ein opptur kvar dag sidan vekestart, der hovudindeks låg på 863,03 poeng.

Trass i ein oppgang på hovudindeksen er det fleire av dei mest omsette aksjane fredag som hadde nedgang. Equinor, som hadde ein oppgang torsdag, gjekk fredag ned med 0,6 prosent. Den største taparen fredag var XXL, som gjekk ned med heile 26 prosent, etter at selskapet leverte eit skuffande andre kvartalsresultat.

Det var ikkje berre negative tal på dei store selskapa. Telenor avslutta veka med ein oppgang på 1,8 prosent, og Petroleum Geo-Services hadde ein oppgang på 3 prosent.

I Europa elles var det ein raud dag, der alle dei leiande børsane hadde ein nedtur. DAX 30 i Frankfurt gjekk mest ned, med 1,2 prosent. CAC 40 i Paris gjekk ned 0,5 prosent. FTSE 100 i London gjekk ned 0,2 prosent.

Nordsjøolja, som har variert mellom svake nedturar og oppturar gjennom veka, blei fredag ettermiddag omsett for 73,17 dollar fatet, ein liten oppgang frå vekestarten, då eitt fat blei omsett for 72,67 dollar.

(©NPK)

Børsen i Oslo. Illustrasjonsfoto: Gorm Kallestad / NTB scanpix

Annonse
Annonse