Politiet beslagla rekordmykje MDMA i fjor
Politi og tollvesen gjorde rekordmange MDMA-beslag i 2017. Dei siste åra har det vore stadig fleire beslag av MDMA i krystall- og pulverform.
Totalt vart det i 2017 beslaglagt 22.200 tablettar og rundt 4,8 kilo MDMA-pulver fordelt på 558 beslag, melder Dagbladet.
Kripos' narkotikastatistikk for første halvår av 2017 viser at dei beslaglagte MDMA-mengdene er 18 prosent høgare enn i første halvår av 2016. Dei beslaglagte mengdene er også høgare enn dei to førre åra. MDMA er verkestoffet i ecstasy.,
- Krystallane er noko vi ser mest av. Dette liknar litt på brunt sukker, seier Elisabeth Drange, senioringeniør i Kripos' seksjon for narkotikaanalyse, til Dagbladet.
- Fordi kroppen venner seg til stoffet, vil den krevje ein høgare dose for kvar gong. Det er ikkje sikkert at kroppen toler den aukande doseringa, og i verste fall kan dette føre til overdose, fortset ho.
Drange trur dei høge beslagstala kjem av godt tilgjenge og politiinnsats.
(©NPK)
MDMA er verkestoffet i partydopet ecstasy. I 2017 gjorde politi og tollvesen 558 beslag av partydopet.
Illustrasjonsfoto: Gorm Kallestad / NTB scanpix
