Regjeringa vernar skog- og våtmarksområde

- Halvparten av alle trua arter i Noreg, og ei rekkje trua naturtypar, finst i skog. Skogvern er derfor eit svært viktig tiltak for å bevare norsk naturmangfald, seier klima- og miljøminister Ola Elvestuen (V) i ei pressemelding.

14 av dei nye verneområde ligg i Troms og er eigd av Statskog SF. Dei andre områda er frivillig vern av privateigd skog i ulike stader i landet.

Stortinget vedtok i 2016 eit mål om vern av 10 prosent av skogarealet. Til no er det verna nær 3,4 prosent av den produktive skogen i landet, og om lag 4,6 prosent av det samla skogarealet. Totalt er det verna om lag 117 km² nytt verneareal, der om lag 63 km² er produktiv skog.

Det er også avgjort å verne våtmarksområde ved Tyrifjorden.

- Her finn vi nokre av Noregs aller viktigaste område for våtmarksfugl, seier Elvestuen.

Øyer og skjer blant anna i Tyrifjorden er viktige hekkeholmar for makrellterner, hettemåker og fleire andre typar måker.

Verneområda er også levestad for sjeldne og sårbare plantearter, i tillegg finst det fleire raudlista naturtypar i områda. Verneplanen for Tyrifjorden omfattar sju naturreservat og seks biotopvernområde på til saman cirka 21,4 km².

Avgjerda om verninga av skogs- og våtmarksområda blei vedtatt i statsråd fredag.

(©NPK)

Regjeringa har fredag vedtatt å verne skogsområde landet rundt, i tillegg til våtmarksområde ved Tyrifjorden. Foto: Vidar Ruud / NTB scanpix