Russland og Saudi-Arabia vil auke oljeproduksjonen
Russland og Saudi-Arabia planlegg å auke oljeproduksjonen i tredje kvartal, opplyser representantar for styresmaktene i dei to landa.
Nyheitsbyrået Reuters siterte tidlegare fredag ikkje namngitte kjelder på at dei to landa vurderer å auke produksjonen med rundt 1 million fat per dag.
Produksjonshoppet skjer etter 17 månader med avgrensa produksjon, som vart innført i eit forsøk på å stanse oljeprisfallet.
Førre veke nådde prisen på nordsjøolje 80 dollar fatet for første gong sidan 2014.
Oljeprisen begynte sommaren 2014 ein kraftig nedtur, noko som førte til store utfordringar for oljenæringa i Noreg og ei rad andre land.
Frå pristoppen på 115 dollar fatet fall prisen til under 30 dollar fatet tidleg i 2016.
Opec-landa og dei store oljeproduserande landa utanfor oljekartellet inngjekk i 2016 ein avtale om å kutte oljeproduksjonen med 1,8 millionar fat per dag for å redusere overskotslagera av olje.
Sidan har prisen tatt seg opp igjen, og den siste tida har den blitt pressa oppover av USAs avgjerd om å trekke seg frå atomavtalen med Iran.
(©NPK)
