Sagosen og Myrhol på stjernelaget

Det europeiske handballforbundet (EHF) presenterte fredag dei ti spelarane som fans og journalistar frå heile verda har stemt fram.

Stjernelaget vart annonsert i forkant av Final4-sluttspelet i Köln, der vinnaren av meisterligaen på herresida skal kårast.

Sander Sagosen og lagkameratane i Paris St. Germain møter Nantes og Espen Lie Hansen i ein heilfransk semifinale laurdag. I den andre semifinalen møtest Montpellier (Frankrike) og tittelforsvarar Vardar Skopje (Makedonia).

Bjarte Myrhol og Skjern vart utslått i kvartfinalen av Nantes. Likevel fekk altså den norske landslagsveteranen plass på stjernelaget, saman med blant andre Sander Sagosen.

Med på lista er ikkje overraskande også den franske superstjerna Nikola Karabatic, som er lagkamerat med Sagosen i PSG.

Dette er «all star»-mannskapet:

Keeper: Arpad Sterbik (Vardar)

Venstre kant: Uwe Gensheimer (PSG)

Venstre bakspelar: Sander Sagosen (PSG)

Midtre bakspelar: Nikola Karabatic (PSG)

Høgre bakspelar: Dika Mem (Barcelona)

Høgre kant: David Balaguer (Nantes)

Linjespelar: Bjarte Myrhol (Skjern)

Beste forsvarar: Luka Karabatic (PSG)

Beste unge spelar: Romain Lagarde (Nantes)

Beste trenar: Patrice Canayer (Montpellier)

(©NPK)

Sander Sagosen er tatt ut på stjernelaget i meisterligaen. Foto: Vidar Ruud / NTB scanpix