Solskjær skal ha hatt samtalar med Malmö

Molde-manager Ole Gunnar Solskjær blei torsdag lansert som kandidat til å ta over Malmö. Ifølgje Aftonbladet skal han også ha hatt samtalar med klubben.

Solskjær har vore på besøk i Malmö, skriv Aftonbladet. Ifølgje avisa har nordmannen vore på stadion og hatt møter med MFF-leiinga. Den sportslege leiinga skal dessutan ha hatt møter med delar av spelargruppa der namnet til Solskjær har vore diskutert. Samstundes er ingenting er avklart i trenarjakta til den svenske klubben.

Dagleg leiar i Molde, Øystein Neerland, seier han ikkje har høyrt noko frå svenskane.

- Malmö har ikkje tatt kontakt. For oss er det lite relevant å diskutere spekulasjonar, seier Neerland til Nettavisen.

Sportssjef Daniel Andersson i Malmö har mellombels tatt over trenaransvaret etter at Magnus Pehrsson fekk sparken etter den svake serieopninga.

Malmö er regjerande seriemeister i Allsvenskan.

(©NPK)

Molde-manager Ole Gunnar Solskjær er lansert som ein heit kandidat til å ta over Malmö. Foto: Ned Alley / NTB scanpix

Annonse
Annonse