Sølvvinnar frå OL blir tysk landslagssjef i langrenn

Peter Schlickenrieder (48) blir Tysklands nye landslagssjef i langrenn med ansvar for både kvinner og menn.

Schlickenrieder er mest kjent som mannen som tok sølv bak Tor Arne Hetland i fristilsprinten i OL i Salt Lake City i 2002. Året før enda han på 6.-plass i sprintfinalen i VM i Lahti. Han tok også to verdscupsigrar i karrieren.

Schlickenrieder skal ha det overordna ansvaret saman med Andreas Schlütter.

Duoen får ei formidabel oppgåve. Tysk langrenn har slite i motvind i dei siste sesongane. Blikket blir no retta mot VM på heimebane i Oberstdorf i 2021. Deretter er det OL i Beijing året etter.

Schlickenrieder har sidan 2005 vore medlem i styret til Tysklands skiforbund. Samtidig har han jobba som langrennsekspert for tysk TV. Den nye stillinga gjer at han må seie frå seg begge dei jobbane.

Erik Schneider blir ny kvinnetrenar. Rene Sommerfeldt blir ein av to rekruttrenarar, og Axel Teichmann blir teknisk- og fysisk trenar for alle grupper.

(©NPK)