Tesla-aksjen fell etter Musk-intervju

Tesla fall over 7 prosent på børsen etter at toppsjefen Elon Musk fortalde om ekstremt arbeidspress i eit intervju der han visstnok var nær ved å gråte.

- Finnes det nokon som kan gjere jobben betre? Då kan dei overta taumane her og no, seier Musk i intervjuet med New York Times.

Han er både toppsjef og styreformann i Tesla. Etter at intervjuet blei publisert, fall selskapet fredag over 7 prosent på New York-børsen.

I samtalen blei Musk fleire gonger uklar i stemma, ifølgje New York Times. Han fortel om ei stor personleg belastning og søvnproblem som følgje av høgt arbeidspress.

- Det var periodar då eg ikkje forlét fabrikken på tre eller fire dagar, seier Tesla-sjefen.

Han fortel også at venner er blitt bekymra for korleis det går med han.

Musk har bidratt sterkt til å profilere Tesla, men dei siste månadene har han også fått merksemd for fleire underlege Twitter-meldingar. Ei melding der han skreiv at han vurderte å ta selskapet av børs, har visstnok fått amerikanske finansmyndigheiter til å sette i gang etterforsking.

(©NPK)

Elon Musk er både toppsjef og styreformann i Tesla. I tillegg til elbilar produserer selskapet batteri, og solcellepanel via dotterselskapet SolarCity. Foto: Kiichiro Sato / AP / NTB scanpix

Annonse
Annonse