To hjelpearbeidarar drepne og éin bortført i Kongo

FN opplyser at to hjelpearbeidarar som jobbar for ein fransk organisasjon, er drepne i Kongo. Ytterlegare éin er bortført.

Dei to kongolesiske hjelpearbeidarane jobba for den franske organisasjonen Hydraulique Sans Frontières, som driv med vassreinsingsprosjekt.

- Vi fordømmer sterkt det siste angrepet, som på tragisk vis førte til tapet av to av våre kollegaer som jobba med humanitær nødhjelp. Vi krev at personen som er tatt som gissel blir sett fri med ein gong, seier FNs nødhjelpskontor i ei fråsegn publisert av CNN.

Ifølgje FN vart angrepet utført av uidentifiserte væpna menn i Rutshuru-området i Nord-Kivu, ein austleg provins som grensar til Rwanda og Uganda.

- Sikkerheitsforholda er svært urovekkjande i Nord-Kivu og hindrar humanitære organisasjonar i å hjelpe tusenvis av menneske som lir nød, opplyser nødhjelpskontoret i fråsegna.

(©NPK)

Annonse
Annonse