14-åring kvalifiserte seg til verdscuprenn på Lillehammer
Ingvild Synnøve Midtskogen vart nummer 40 i kvalifiseringa fredag og er klar for verdscupkonkurransen i hopp på Lillehammer laurdag.
Midtskogen landa på 74 meter og fekk 73 poeng for svevet. Det heldt akkurat til å bli siste utøvar blant dei som får hoppe laurdag. Det unge talentet satsar opphavleg på kombinert, men er med i hoppkonkurransen på Lillehammer.
Eirin Maria Kvandal vart beste norske på ein sterk tredjeplass med 91 meter. Thea Minyan Bjørseth vart nummer 13 med 81 meter, medan Anna Odine Strøm (80,5 meter) følgde to hakk bak.
Silje Opseth, som står med éin verdscupsiger så langt i vinter, hoppa 81,5 meter og enda på 19.-plass. Maren Lundby greidde 77 meter og vart nummer 22.
Nora Midtsundstad landa på 73 meter og kom seg også med vidare.
(©NPK)
14-årige Ingvild Synnøve Midtskogen i aksjon på Lillehammer fredag. Foto: Geir Olsen / NTB
