18 bilar står fast i svensk parkeringshus
18 bilar er stengde inne i eit automatisert parkeringshus i Stockholm etter at straumnettet vart overbelasta i juli. Dørene opnar tidlegast neste månad.
Styresystemet vart slått ut av overbelasting i straumnettet 29. juli. Sidan då har 18 bilar stått innesperra. Der blir dei ståande til i alle fall siste halvdel av september. Dei uheldige bileigarane har fått tilbod om leigebil i mellomtida.
- I beste fall kan vi opne i andre halvdel av september, seier Christian Rockberger, som er administrerande direktør i Stockholm parkering, til avisa Mitti.
Den pågåande driftsstansen er den lengste som har ramma parkeringshuset. Årsaka er at teknikken er italienskprodusert, og for å få den reparert, må selskapet få tak i ein italiensk teknikar.
P-Snurran i Rörstrandsgatan var det første automatiserte parkeringshuset i Skandinavia då det opna i 2003. Det består av fire etasjar. Bilane som skal parkere der, køyrer inn i ein hall og blir deretter løfta på plass.
(©NPK)
