Nordre

25.500 finalebillettar i meisterligaen går ikkje til supporterar

Av dei 63.500 finalebillettane til meisterligafinalen på heimebanen til Atlético Madrid går 25.500 til andre enn supporterar og allmenta.

Det vart klart då Det europeiske fotballforbundet (UEFA) publiserte billettinformasjonen om finalen, som går 1. juni.

Kvart finalelag får 17.000 billettar kvar, medan 4.000 billettar skal seljast ved loddtrekning gjennom UEFAs billettkjøpssystem.

Dei resterande 25.500 billettane går til UEFA, nasjonale forbund, den lokale arrangørkomiteen, kommersielle partnarar og kringkastarar, og dessutan til VIP-kundar.

Dei billegaste billettane, som er tilgjengelege for allmenta og supporterane, kostar 680 kroner, medan dei dyraste kostar 5.820 kroner.

VIP-billettane kostar minst 30.000 kroner pluss moms per person.

(©NPK)

Det er stor rift om billettane til finalen i meisterligaen. Her feirar Manchester United-fansen avansementet mot Paris Saint-Germain i åttedelsfinalen. Foto: François Mori / AP / NTB scanpix

ANNONSE
Annonse
ANNONSE
Annonse