46 smittetilfelle registrerte i Bergen – strengare tiltak blir vurderte
Det er registrert 46 nye smittetilfelle i Bergen det siste døgnet. Kommunen vurderer strengare tiltak.
Torsdag var det for første gong sidan september ingen koronapasientar innlagde i Helse Bergen. Men viss smittetrykket ikkje går ned, varslar helsebyråden strengare tiltak, skriv Bergensavisen.
– Dersom det ikkje hjelper, så kan vi sjå oss nøydde til å sjå på tiltak som går breiare ut, seier helsebyråd Beate Husa.
Sjølv om smittetrenden har flata ut, går ikkje smittetrykket ned, trass målretta tiltak som har gitt effekt tidlegare. Ein by som Trondheim registrerte til samanlikning éin smitta torsdag.
Det er påvist eitt tilfelle av indisk virusvariant i Bergen, og det er venta analysesvar neste veke for å avklare om varianten har spreidd seg.
(©NPK)
Stengde uteserveringar på Bryggen i Bergen. Foto: Marit Hommedal / NTB / NPK
