Evakuering oppheva etter bensinlekkasje i Hordaland

50 personar måtte evakuerast etter at 1.000 liter bensin hamna på bakken på ein bensinstasjon i Eikelandsosen i Hordaland torsdag ettermiddag.

- Det er ein god del bensin som har rent ut i samband med fylling av ein tank, forklarte operasjonsleiar Eivind Hellesund i Vest politidistrikt til Bergensavisen.

Politiet fekk melding om bensinlekkasjen klokka 15.38, men evakueringa blei ikkje gjort før 17-tida.

Hellesund fortel til Bergens Tidende at dette blei gjort for å vera på den sikre sida.

Ein brannbil med spesialutstyr kom frå Bergen for å måla gassnivået på staden, og konklusjonen var at det ikkje var nokon fare lenger.

Klokka 18.25 blei evakueringa oppheva.

(©NPK)

Illustrasjonsfoto: Gorm Kallestad / NTB scanpix

ANNONSE
Annonse
ANNONSE
Annonse