Nordre

ANNONSE
Annonse

60.000 koronatilfelle kan ha gått under radaren i Australia

Før den andre bølgja ramma Australia, hadde landet registrert 11.000 koronatilfelle. Men det reelle talet kan ha vore nærare 70.000, ifølgje studie.

Talet er basert på ein studie på grunnlag av ei nyutvikla blodprøve frå forskarar ved The Australian National University (ANU).

– Vi gjennomgjekk 3.000 blodprøver frå sunne folk rundt om i landet for å sjå etter antistoff, seier medforfattaren bak studien Ian Cockburn.

Blodprøvene vart innhenta mellom 2. juni og 17. juli, før det store utbrotet i delstaten i Victoria, og før testinga auka då landet vart ramma av den andre koronabølgja.

– Det beste anslaget vårt er at rundt 0,28 prosent av australiarane, éin av 350, var infisert med SARS-CoV-2 på det tidspunktet, seier Cockburn.

– Dette tyder på at i staden for dei 11.000 tilfella vi har registrert frå koronatesting, har totalt rundt 70.000 personar vore eksponerte, seier han.

(©NPK)

ANNONSE
Annonse
ANNONSE
Annonse