AFP: Minst fem drepne i Nairobi-angrep
Minst fem er drepne i angrepet mot eit hotell og eit kontorkompleks i Nairobi, ifølgje ein fotograf frå nyheitsbyrået AFP.
Tidlegare tysdag melde avisa The Star at minst tre personar var drepne i angrepet i Kenyas hovudstad. Opplysningane er ikkje bekrefta av politiet.
Den ytterleggåande grupperinga al-Shabaab har tatt på seg ansvaret for angrepet, som ifølgje kenyansk TV blir handtert som eit terrorangrep.
(©NPK)