Nordre

Akillesen rauk for Tønnesen, mistar handball-EM

Handballspelaren Kent Robin Tønnesen går glipp av handball-EM i januar etter at akillesen rauk i helga i meisterligakampen mot Vardar.

– Vi har dessverre fått beskjed frå Kent Robin og det medisinske støtteapparatet i Veszprém om at akillesen hans rauk i klubbkampen på søndag, seier lege på handballandslaget Thomas Torgalsen i ei pressemelding.

Skaden oppstod Champions League-kampen i helga mellom Veszprém og Vardar.

Tønnesen fekk ikkje spele VM tidlegare år, og då var han òg skadd.

– Han fekk stadfesta skaden gjennom MR-undersøkingar i Ungarn måndag. No reiser han heim til Noreg for oppfølging og operasjon via nettverket til landslaget, seier Torgalsen vidare.

Skaden inneber at Tønnesen må belage seg på eit lengre avbrekk frå handballbanen. EM, der det norske laget speler tre kampar i Trondheim i januar, går utan han.

Noreg er framleis svært godt dekt blant venstrehandskyttarar med Magnus Abelvik, Eivind Tangen og Harald Reinkind.

(©NPK)

Kent Robin Tønnesen mistar handball-EM i januar etter at akillesen hans rauk i helga. Foto: Vidar Ruud / NTB scanpix

ANNONSE
Annonse
ANNONSE
Annonse