Alle norske vidare - Klæbo slått av Ustjugov

Johannes Høsflot Klæbo hadde femte beste tid i prologen på sprinten for menn i fri teknikk i VM, men måtte sjå seg slått av Sergej Ustjugov.

Johannes Klæbo var 1/100 sekund raskare enn regjerande meister Federico Pellegrino frå Italia. Raskast av dei norske var Finn Hågen Krogh som var tredje best. Han var eit drygt halvt sekund bak dei to beste. Det var svenske Viktor Thorn som var raskast. Han var 1/100 sekund før den russiske favoritten Sergej Ustjugov.

Emil Iversen vart nummer sju, mens Sindre Bjørnestad Skar vart nummer 13.

- Tung løype, det er den tyngste prologen eg har gått i år, sa Finn Hågen Krogh til NRK.

Russaren Alexander Bulsjonov levde farleg, men tok seg vidare til finaleheata med 29. plass.

Som under prologen til kvinnene, gjorde også dei svenske herrane det bra i sprint-innleiinga. Forutan Thorn, gjorde Calle Halfvarsson ein god prolog med 3. plass, ein plass han delte med Krogh.

(©NPK)

Johannes Høsflot Klæbo i mål etter prologen til sprinten i ski-VM i Seefeld. Foto: Terje Pedersen / NTB scanpix

Annonse
Annonse