Amerikanske Nato-soldatar om bord då Helge Ingstad kolliderte
Amerikansk marinepersonell blir no etterforska for rolla si om bord då KNM Helge Ingstad kolliderte med tankskipet Sola.
Ifølgje Bergens Tidende sende Statens havarikommisjon eit brev til Den amerikanske marinen i Europa, US Naval Forces Europe. Kva brevet gjaldt vil ikkje havarikommisjonen utdjupe overfor avisa, og sjølve brevet er unntatt offentlegheita.
- Dette er Forsvaret si sak, og det er dei som eventuelt må svare. Vi ønskjer ikkje å seie noko om kven som var om bord, eller kvar dei kom frå, seier Dag S. Liseth i Havarikommisjonen.
Han vil ikkje seie noko meir enn at dei har god oversikt over kven som var om bord på begge dei involverte fartøya.
Den amerikanske marinen vil ikkje kommentere saka av omsyn til etterforskinga.
(©NPK)
Den havarerte fregatten KNM Helge Ingstad, som ligg på grunn nord for Stureterminalen i Hjeltefjorden utanfor Bergen. Foto: Cornelius Poppe / NTB scanpix
