Argentina-trio i England landslagsuttatt – karantenekravet står
Aston Villas Emi Martinez og Tottenham-duoen Cristian Romero og Giovani Lo Celso er tekne ut på Argentinas neste landslagssamling.
Til fredag får alle tre lov til å reise inn i Argentina viss dei er fullvaksinerte og kan vise til ein negativ koronatest. Men når dei returnerer til England, må dei vere i karantene i ti dagar, skriv Sky Sports.
Argentina har teke ut spelarane i 30-mannsstroppen som møter Paraguay, Uruguay og Peru i VM-kvalifiseringskampar. Siste kamp blir spelt 15. oktober, medan klubbane deira i England skal i aksjon 16. og 17. oktober.
(©NPK)
Giovani Lo Celso under kampen mot Wolverhampton førre veke. Foto: Rui Vieira / AP / NTB
