Arlanda infiltrert av kriminelle bandar
Stockholms flyplass Arlanda er infiltrert av kriminelle bandar og mc-gjengar, viser ein hemmeleg politirapport.
Det er Kvällsposten og Expressen som har fått tilgang til rapporten, som viser at eit titals personar som jobbar i tryggingskontrollen, er knytt til kriminelle nettverk eller står i registera til politiet.
Politiet fastslår òg at det finst tilfelle der tilsette har teke del i «svært velorganisert smugling» av varer i koffertar eller pakkar, og at det er ei oppsiktsvekkjande kopling mellom personar som jobbar på strategiske stader på flyplassen.
Politiet meiner å kunne påvise at nokon av personalet på flyplassen har band til MC-bandar, andre kriminelle nettverk og radikaliserte grupper.
Hells Angels, banden Mästanätverket og nettverket Tyson er blant dei som blir nemnde i rapporten. Alle er innlanda i smugling av narkotika og valdeleg kriminalitet.
25 millionar reisande passerer kvart år gjennom Arlanda, som er Sveriges største flyplass.
(©NPK)