Assad truar med offensiv mot USA-støtta kurdarar i Nord-Syria
Syrias president Bashar al-Assad seier han ikkje vil nøle med å bruke makt for å ta tilbake dei delane av Syria som er under kurdisk kontroll.
I eit intervju med Russia Today seier han at han vil føretrekkje å forhandle med den kurdisk-dominerte og USA-støtta militsen Syrian Democratic Forces.
- Men viss ikkje, vil vi frigjere desse områda med makt, seier Assad.
Han seier også at ein direkte militær konfrontasjon mellom russiske og amerikanske styrkar i Syria så vidt er avverja.
- Vi var nær ved å ha ein direkte konflikt mellom russiske styrkar og amerikanske styrkar, seier han i intervjuet, som vart sendt torsdag.
(©NPK)
