Nordre

Åtte elevar smitta med tuberkulose i Danmark

Åtte niandeklassingar er smitta med tuberkulose på ein skule i Haslev på Sjælland, melder danske medium.

Avisa Sjællandske skriv at dei sjuke elevane går på ein skule nordaust for Næstved.

- I fjor vart det konstatert at éin av våre niandeklassingar hadde fått smittsam lungetuberkulose, seier skuleleiar Mette Løvbjerg til avisa.

Foreldra til elevane til skulen vart orienterte, og eit samarbeid vart innleidd med sjukehuset i Roskilde slik at andre elevar og lærarar kunne testast for tuberkulose.

Ingen av lærarane testa positivt for tuberkulose, men etter juleferien har skuleleiinga fått tilbakemeldingar frå foreldre om at totalt åtte elevar er sjuke.

Dei smitta elevane blir haldne heime og medisinert inntil smittefaren er over.

Blant symptoma på aktiv lungetuberkulose er langvarig hoste, som kan gi misfarga eller blodig oppspytt, feber, sveittetokter og vekttap.

(©NPK)

ANNONSE
Annonse
ANNONSE
Annonse