Åtte personar drukna i første halvdel av juli

Så langt i juli har åtte personar omkomme i drukningsulykker, viser tal frå Redningsselskapet.

– Den positive trenden frå juni, med færre ulykker enn tidlegare år, har dessverre ikkje heldt fram inn i juli. Redningsselskapet oppmodar alle til å tenkje tryggleik uansett vassaktivitet i sommar, og til å passe godt på kvarandre, seier Tanja Krangnes, fagsjef for drukningsførebygging i Redningsselskapet, i ei pressemelding.

Halvparten av drukningsulykkene så langt i juli har skjedd frå fritidsbåtar. To personar har drukna i badeulykker.

Hittil i år har 41 personar drukna. Av dei var det 35 menn og seks kvinner.

(©NPK)

Åtte personar har drukna i første halvdel av juli. Illustrasjonsfoto: Annika Byrde / NTB / NPK

ANNONSE
Annonse