Auka eksport av laks og aure etter krigen i Ukraina
Norsk sjømatnæring slutta å selje aure og laks til Belarus etter Russlands invasjon av Ukraina. Eksporten har likevel auka til andre land.
I første halvår er eksporten til Belarus redusert med 73 prosent samanlikna med same periode i fjor, eller med rundt 4.000 tonn rund vekt (WFE), viser tal som IntraFish har henta frå Noregs sjømatråd.
Samtidig er eksporten til Armenia, Kasakhstan og Kirgisistan auka med til saman 51 prosent eller 1.814 tonn.
– Eg vil ikkje spekulere i om dette er ein omgåelse, for det veit eg ikkje, men vi registrerer jo veksten. I utgangspunktet er det ikkje ulovleg eller i strid med vestlege sanksjonar å eksportere til Belarus, Armenia, Kasakhstan eller Kirgisistan, seier analytikar Paul T. Aandahl i Sjømatrådet.
(©NPK)
Norsk sjømatnæring slutta å selje laks og aure til Belarus som følgje av Russlands invasjon av Ukraina. Foto: Gorm Kallestad / NTB / NPK
