Avis: Fifa kallar inn til ekstraordinært møte om VAR

Det internasjonale fotballforbundet har kalla inn til ekstraordinært møte om det omdiskuterte videodømmingsverktøyet VAR, skriv Aftonbladet.

Det skjer dagen etter at VAR igjen stal merksemda i Sveriges siger over Canada i fotball-VM. Videodømming vart brukt då Canada fekk straffe etter 67 minutt, og igjen då ei svensk straffe vart omgjort på grunn av offside seinare i kampen.

Undervegs i VM har mange vore kritiske til at VAR stel for mykje av merksemda frå sjølve kampane. Fifa ser ut til å ha planar om å komme med ei forklaring på det ekstraordinære møtet, som ifølgje Aftonbladet blir halde klokka 15 onsdag.

(©NPK)

Dommar Kate Jacewicz fekk VAR-hjelp ved fleire høve under VM-åttedelsfinalen måndag mellom Sverige og Canada. Foto: Michel Euler / AP / NTB scanpix

Annonse
Annonse