Nordre

Medier: To omkom og 50 vart skadde i togulykke i Portugal

Minst to personar er omkomne og rundt 50 er skadde etter ei togulykke i Portugal, melder fleire medium.

Eit passasjertog skal fredag ha køyrt inn i ein skinnegåande anleggsmaskin i området Matas i kommunen Coimbra.

280 menneske var om bord på passasjertoget, skriv avisa Correio då Manhã.

Avisa melde først at éin person var død, men talet vart seinare endra til to. Også avisa Expresso viser til ei kjelde som seier at to menneske er omkomne.

Mange utrykkingskøyretøy vart send til staden etter ulykka.

(©NPK)

ANNONSE
Annonse