Avis: Zara-milliardær vurderer Manchester United-kjøp

Amancio Ortega, Zara-gründer og den 19. rikaste personen i verda, har vist interesse for å kjøpe storklubben Manchester United, ifølgje avisa Manchester Evening News.

86-åringen skal ha vendt seg til toppleiarar i klubben om eit mogleg kjøp, skriv lokalavisa, som følgjer Manchester United tett, med tilvising til anonyme kjelder.

Ortega, som eig Inditex-imperiet som igjen eig motekjeda Zara, er ifølgje Forbes verd 61,3 milliardar dollar. Det svarer til om lag 610 milliardar norske kroner.

I tillegg til Ortega har også teknologigiganten Apple snusa på eit mogleg kjøp av den engelske toppklubben, ifølgje Manchester Evening News.

Det var tysdag denne veka at Glazer-familien opna for eit sal av Old Trafford-klubben. Bakgrunnen er at klubben jobbar med å styrkje økonomien og sin framtidige posisjon, og eit mogleg sal har vore blant alternativa United-styret har sett på.

Manchester United ligg på 5.-plass på tabellen i Premier League og har ikkje vunne ligaen sidan 2012/13-sesongen.

(©NPK)

Manchester United ligg på 5.-plass på tabellen i Premier League og har ikkje vunne ligaen sidan 2012/13-sesongen. Foto: Dave Thompson / AP / NTB

ANNONSE

Artikkelen fortsetter etter annonsen.

Annonse
ANNONSE

Artikkelen fortsetter etter annonsen.

Annonse