Bayern München-stjerne rasar mot Bundesliga
Medan fotballkampar over heile Europa blir avlyste, skal kampane i tysk Bundesliga spelast utan tilskodarar. Det får Bayern München-spelar Thiago Alcântara til å rase.
Tyskland er eitt av svært få land der fotballkampar ikkje er utsette eller avlyste som følgje av koronaviruset.
– Dette er sprøtt. Slutt å tulle og sjå på verkelegheita. La oss vere ærlege: Det er for tida mykje viktigare prioriteringar enn nokon idrett, skriv spanjolen på Twitter.
Bayern München skal i aksjon mot Julian Ryerson og Union Berlin i den tyske hovudstaden laurdag kveld. Supporterane må derimot bli heime.
Meisterligaoppgjeret til storklubben mot Chelsea onsdag er avlyst. Tyskarane vann oppgjeret i London 3–0.
(©NPK)
Bayern München-spelar Thiago rasar mot at kampane i tysk Bundesliga i helga skal spelast som planlagt. Foto: Kirsty Wigglesworth / AP / NTB scanpix
