Nordre

Belgias ekskonge Albert blir bøtelagt i pikant farskapssak

Belgias tidlegare kong Albert II er dømd til å betale 5.000 euro for kvar dag han nektar å la seg DNA-teste i samband med ein pikant farskapssak.

Ei kvinne som heiter Delphine Boel har i mange år freista å bevise at den tidlegare monarken er den biologiske faren hennar, og belgiske aviser har skrive om påstandane i ei årrekke.

Albert har aldri nekta for påstanden offentleg, men har heile tida nekta å gi frå seg DNA-prøvar sjølv om ein belgisk rett gav ordre om at han måtte gjennomføre ein test i oktober i fjor.

No har ein ankedomstol avgjort at 84-åringen må punge ut 5.000 euro, eller 49.000 kroner, kvar dag fram til han går med på å gi frå seg ei slik prøve.

Albert var Belgias konge frå 1993 til 2013, då han abdiserte på grunn av helsemessige årsaker. Han gav trona vidare til sonen sin Philippe.

(©NPK)

Det kan bli dyrt for Belgias tidlegare konge, dersom han held fram å nekte å la seg DNA-teste. Ein kvinne hevdar at ho er dottera hans, men kong Albert II har i fleire år nekta å gi ein DNA-prøve. Foto: Frederic Sierakowski / AP / NTB scanpix

ANNONSE
Annonse
ANNONSE
Annonse