Nordre

Bendtner vraka igjen på festdagen til fotballen

Nicklas Bendtner er heller ikkje med i kamptroppen til Rosenborgs til heimekampen mot Haugesund torsdag.

Dansken var vraka òg i 1-1-kampen mot Lillestrøm sist helg.

Eirik Horneland har til heimekampen mot den tidlegare klubben sin Haugesund på festdagen til fotballen 16. mai tatt ut ein tropp på 18 spelarar, som onsdag vart offentleggjort på nettstaden til klubben. Der er ikkje namnet til Bendtner.

- Kampen kjem dessverre for tidleg for Anders Trondsen, Anders Konradsen, Besim Serbecic og David Akintola, som alle er skadd, blir det sagt. Bendtner blir ikkje nemnt.

Gjermund Åsen er tilbake i troppen etter skade.

- Det var ein brutal beskjed å gi og ein brutal beskjed å få, sa Horneland om vrakinga av Bendtner til bortekampen mot Lillestrøm. Dansken har sjølv vore kritisk til at han ikkje får speletid.

- Eg skjønar ikkje noko av vrakinga. Eg er i god form og arbeider hardt, sa han til Adresseavisen i byrjinga av førre veke.

(©NPK)

Nicklas Bendtner får ikkje vere med når Rosenborg møter Haugesund på Lerkendal 16. mai. Han er ikkje med i Eirik Hornelands kamptropp. Foto: Svein Ove Ekornesvåg / NTB scanpix

ANNONSE
Annonse
ANNONSE
Annonse